“Тамхигүй орчны төлөө хамтдаа” сэдэвт аяны хүрээнд ДаТС-ийн оюутан болон ахлах сургуулийн сурагчдын дунд зохиогдсон “Дам тамхидалтын эмгэнэл” сэдэвт шог зургийн уралдаан 2020 оны 10 сарын 26-ны өдөр амжилттай явагдаж, өндөрлөв.
Уралдаанд МҮТИ, УУАТ, БМТИ, ИБҮБИ, ЦС, Дулааны инженер, Менежмент, Програм хангамж зэрэг мэргэжлийн ангийн оюутнууд болон ахлах сургуулийн 10-а, 11-а, 12-а ангийн сурагчид оролцсоноос: Тэргүүн байрыг О.Тайванбат (ИБҮБИ-1), удаах байрыг Э.Тэмүүлэн (ИБҮБИ-2), гутгаар байрыг Д.Гантөгс (МҮТИ-1), тусгай байрыг А.Шагай (ИБҮБИ-3) нар тус тус эзэллээ.
Уралдааны ерөнхий шүүгчээр МЗЭ-ийн шагналт зохиолч, шог зураач Д.Мянганзам, СШУТ-ын ахлагч багш Г.Цэндмаа (Ph.D), багш М.Ундрал нар ажиллав.
МЗЭ-ийн шагналт зохиолч, шог зураач Д.Мянганзам: “Өнөө цагт бүдгэрч буй шог зургийг Дархан хотод сэргээж буйд туйлын баяртай байна” хэмээн уралдаанд оролцогчидод баяр хүргэж, тамхидалтын эсрэг аяныг дэмжин өөрийн зурсан 5 бүтээлийг гардууллаа.
Уралдаанд оролцогчдын тамхины хор хөнөөлийг дүрслэн харуулсан 30 орчим бүтээлийг дэлгэн “Дам тамхидалтын эмгэнэл” сэдэвт шог зургийн үзэсгэлэнг сургууль дээр гаргав.
Шог зургийн уралдаанд идэвхитэй оролцсон та бүхнийхээ цаашдын үйлст амжилт хүсье!
СШУТ