ДаТС-ийн оюутнууд “Дархан хоттой танилцъя” уриан дор явган аялал хийлээ.

Дархан хот үүсэн байгуулагдсаны 59 жилийн ойг угтан шинээр элссэн оюутан залууст амьдарч, суралцаж буй Дархан-Уул аймгийн болон Дархан хотын түүх, соёлын өвийг танилцуулах зорилгоор СШУТ-ийн багш М.Ундрал, Р.Баяртөгс нар “Дархан хоттой танилцъя” сэдэвт явган аялалыг 2020 оны 10 сарын 10-нд зохион байгууллаа.

Оюутнууд аймгийнхаа түүхэн хөгжил, Хүйтэний голын бичээс, “Дархан хайрхан” уулын түүхийг сонсон хөдөлж,  Дархан 50 цогцолборын Алунгоо хатны хөшөөний дэргэд дурсгалын зураг авхуулан, “Миний монгол” цэцэрлэгт хүрээлэн,  “Дүүжин гүүр”,  “Бурхан багш”-ийн сэрэг дүр болон Дархан хотын бэлгэ тэмдэг “Хаан бугуйвч, хатан сүйх” хөшөөт цогцолбор зэрэг газраар аялж, Хөхөө Намжилын домгоор сэдэвлэсэн хурдан давхиа морьтны хүрэл баримал бүхий сүрлэг байгууламж “Морин хуур” цогцолборт түр саатан “Хамгийн сайхан хот” аймгийн сүлд дуугаа дуулан аялалаа өндөрлөв.  Энэхүү үйл ажиллагаанд ДаТС-ийн оюутны зөвлөл болон БМҮТ, ИБҮБИ, ХАСИ, ХҮТ, УУЦТТА, ДЦС, КПХ ангийн оюутнууд идэвхтэй оролцсонд талархал илэрхийлье!.

СШУТ