Суурь шинжлэх ухааны тэнхим АНУ-ын Төрийн департаментын Англи хэлний хөтөлбөрийн мэргэжилтэн Жүүдий Эмэрсоны дэмжлэгтэйгээр гадаад хэлний хэрэглээний е-танхимыг байгуулан нээлтээ хийлээ. Хэдий сургуулийн зүгээс санхүүгийн хувьд хүндрэлтэй байгаа ч гэсэн бидний сургалтын орчноо орчин үеийн жишигт хүргэх гэсэн хүсэл эрмэлзэлд дэмжлэг үзүүлэн тусалсанд талархаж байна.
Бид сургалтандаа Кеймбрижийн Их сургуулийн хэвлэлийн газраас эрхлэн гаргасан зарим нэг сурах бичгийг бололцооныхоо хэрээр ашигласаар ирсэн бөгөөд харин тэдгээрийн е- хувилбарыг санхүүгийн боломж тааруу байдаг учир ашиглах боломж гардаггүй байлаа. Мөн анхандаа тодорхой хугацааны турш үнэгүй хэрэглэж болдог байсан энэхүү хэвлэлийн газрын загвар онлайн хичээлийг ашиглах хугацаа нь дуусаж бидний тусгайлан байгуулсан хэлний цахим танхимийн хэрэглээ эрс багасаж байсан билээ.
Харин одоо энэхүү төслийн шугамаар худалдан авсан Articulate Quiz-maker Studio’13 (299.50$), Touchstone 2,3,4 Presentation Plus (тус бүр нь 115.80$) програмуудын тусламжтай бид урьдын адил цахим танхимаа өргөн хүрээнд бүрэн дүүрэн ашиглаж, сургалтын арга барилдаа шинэчлэл нэвтрүүлэх боломж нээгдэж байна.
Хэрэглээний е-танхимыг тохижуулах төсөлд тэнхимийн эрхлэгч М.Гонгор, багш Д.Батжаргал нар зохицуулагч-гүйцэтгэчээр, Б.Батсуурь багш, сургалтын мастер Д.Энхбаяр нар гүйцэтгэгчээр ажилласан болно.
