“Оюу толгой” компанийн 2015-2016 оны Үндэсний тэтгэлэгт хөтөлбөрт шалгарсан шилдэг оюутнуудад батламж гардуулах ёслол 2015 оны 12 дугаар сарын 10-нд болж, 35 оюутанд дотоод, гадаадын их сургуульд суралцах тэтгэлгийг гардууллаа.

2015-2016 оны хичээлийн жилд дотоодын тэтгэлэгт 31 оюутан шалгарснаас МУИС-ийн 9, ЭМШУҮИС-ийн 2, ХААИС-ийн 1, ШУТИС-ийн 19 оюутан хамрагдсаны дотор ДаТС-иас Төмөрбаатарын Батцэцэг (Мети IV), Хүрэлбаатарын Зоригтбаатар (УУАТ III), Дашцэрэнгийн Болдбаатар (УУАТ IV), Отгонбаярын Билгүүн (БИ II) нарын 4 оюутан тэтгэлгийн эзэд болсон байна. Тэтгэлэгт хөтөлбөрт шалгарсан оюутнууддаа сурлагын өндөр амжилт хүсэн ерөөе!

Тэтгэлэг бүрийн цаана нэг оюутан, тэдний гэр бүлийн мөрөөдөл биелж байдаг. Монголын олон зуун залуусын мөрөөдлийг биелүүлэх буянт үйлсэд хувь нэмрээ оруулж, нийгмийн хариуцлагаа дээдэлж яваа Оюу толгой компанид талархсанаа илэрхийлье!

Хүн өөрөө өөртөө тулгуур цэг байх хэрэгтэй. Хэрэв тэгж чадвал амьдралын давалгаан дунд барьц алдалгүйгээр бат зогсож чадна. Тэгж чадсан хүн хэдий өндөрлөгөөс унасан ч гэсэн хэзээд ч босч ирэх хүчтэй байдаг.

Сургуулийн Захиргаа