Уг хэлэлцүүлэгт Дархан-Уул аймагт Европын холбооны санхүүжилттэй “Найрамдал” төслийн багийн урилгаар ирсэн Серби болон Хорват улсын судлаачид болох Марко Стойнсон, Иван Фатторни, Дархан Дулааны цахилгаан станц ТӨХК, Дархан-Уул аймгийн байгаль орчин, аялал жуулчлалын газар, Хөтөлийн “Цемент шохой” ТӨХК,  ДаТС-ийн Технологийн салбарын судлаач нар оролцлоо.

Хэлэлцүүлгийн дүнд “Үнс хөтөлбөр” хэрэгжүүлж “ДДЦС” ТӨХК-ийн үнс барих системийг шинэчлэх, үнсэн санд хадгалагдаж буй үнсийг ашиглах тал дээр ТЭЗҮ боловсруулах асуудал дээр санал нэгдэж Европын холбооны төсөлд уламжлахаар шийдвэрлэлээ.