“БАНКНЫ ХӨГЖИЛ ӨНӨӨ БА ИРЭЭДҮЙ” ЭШОПБХурал

Жил бүр Дархан-Уул аймаг дахь Монголбанкны хэлтэстэй хамтран “БАНКНЫ ХӨГЖИЛ ӨНӨӨ БА ИРЭЭДҮЙ” эрдэм шинжилгээний X бага хурлыг их, дээд сургуулийн багш, судлаач, оюутнуудын дунд 2025 оны 5 дугаар сарын 09-ний өдөр амжилттай зохион байгууллаа.

Энэ жилийн эрдэм шинжилгээний бага хурлын онцлог нь  орчин цагийн мөнгөн тэмдэгт “Төгрөг”-ийн 100 жилийн ой тохиож байна.  

“БАНКНЫ ХӨГЖИЛ ӨНӨӨ БА ИРЭЭДҮЙ” эрдэм шинжилгээний X бага хуралд  зочин илтгэгчээр:

1.  Монголбанкны Эдийн засгийн судалгаа, сургалтын хүрээлэнгийн ахлах эдийн засагч Б.Золзаяа /Ph.D/ нь “Макро эдийн засгийн үзүүлэлтүүдийг цогцоор ашиглаж хиймэл оюун ухаанаар инфляцийг таамаглах нь” сэдвээр;
2.  Монголбанкны Олон нийтийн санхүүгийн боловсролын төвийн ахлах эдийн засагч Н.Батжин нь “Үнийн тогтвортой байдалд Төв банкны хараат бус байдал болон мөнгөний бодлогын харилцааны нөлөө” сэдвээр оролцлоо.

Хуралд Дархан-Уул аймагт үйл ажиллагаа явуулж буй их дээд сургуулийн эрдэмтэн, судлаач, банк, санхүүгийн салбарын төлөөллүүд болон оюутан залуучууд гэсэн хоёр ангиллаар нийт 18 бүтээл ирж, хэлэлцүүлснээс ангилал тус бүрт шилдэг 3 байрыг шалгаруулав.

СУДЛААЧДЫН АНГИЛАЛД:

I байр – ХААИС-ийн Дархан-Уул аймаг дахь салбар Агроэкологи бизнесийн сургуулийн Бизнесийн удирдлагын тэнхимийн эрхлэгч, дэд профессор, доктор Ц.Бурмаа – “Банкны салбарт цахим эдийн засаг нөлөөлөх нь”

II байр – ШУТИС-ийн Дархан-Уул аймаг дахь Технологийн сургуулийн ахлах багш С.Хүрэлчимэг – “Банкны ажилтны энгейжментийн онцлог”

III байр – “Нэткапитал ББСБ” ХХК-ийн зээлийн эдийн засагч Э.Бумдарь – “Нэткапитал ББСБ-ын өрсөлдөх чадварын шинжилгээ”

ОЮУТНЫ АНГИЛАЛД:

I байр – ШУТИС-ийн Дархан-Уул аймаг дахь Технологийн сургуулийн оюутан Н.Марал, удирдагч багш Б.Болдбаатар – “Хөрөнгө оруулалтын өгөөжийг нэмэгдүүлэх боломжийн судалгаа”

II байр – ХААИС-ийн Дархан-Уул аймаг дахь салбар Агроэкологи бизнесийн сургуулийн БЭЗ-ийн 4-р түвшний оюутан Б.Үүрийнцолмон, удирдагч багш Б.Бурмаа – “Цахим эдийн засагт цахим хэл зүйн чадамж, цахим хуваагдал нөлөөлөх нь”

1. III байр – Мандах их сургуулийн Дархан-Уул аймаг дахь салбарын оюутан Б.Батчимэг, Э.Солонго, удирдагч багш В.Цэрэнжаргал, Ж.Бадамханд – “Залуусын санхүүгийн мэдлэг ба хадгаламжийн зуршил” сэдэвт илтгэлүүд тус тус шалгарч, өргөмжлөл, мөнгөн шагналаар шагнагдав.

💸 Уламжлал болгон зохион байгуулагдаж буй уг хуралд ивээн тэтгэгчээр:

1. Дархан-Уул аймаг дахь Монголбанкны хэлтэс
2. Дархан-Уул аймаг дахь Голомт банкны Бизнес төв
3. Дархан-Уул аймаг дахь Капитрон банк тус тус оролцсон. Та бүхэндээ чин сэтгэлийн талархал илэрхийлье.

👩‍⚖️ ШҮҮГЧДИЙН БҮРЭЛДЭХҮҮН:

1. Монголбанкны Эдийн засгийн судалгаа, сургалтын хүрээлэнгийн ахлах эдийн засагч Б.Золзаяа /Доктор Ph.D/
2. Монголбанкны Дархан-Уул аймаг дахь Хэлтсийн ахлах нягтлан бодогч О.Анхзаяа
3. Дархан-Уул аймаг дахь Голомт банкны Бизнес төвийн захирал Т.Давгажамц
4. ШУТИС, ДаТС-ийн Инженерчлэлийн салбарын дэд профессор Я.Батцэцэг /Доктор Ph.D/ нар тус тус ажиллав.

Мэдлэгийн далайд зоригтой хөвж, оюуны их аян тань өөдөө байж,
эрдэм судлалын зам тань гэрэл цацарч байг.