“Хорол-Эрдэнэ 2015” оюутан залуусын яруу найргийн наадмыг Дэлхийн яруу найргийн өдөр буюу 3 сарын 23-нд ШУТИС-ийн ДаТС, МЗЭ-ийн Дархан салбарын “Хязгааргүй орчлон төв”, ХААИС-ийн Агроэкологи, бизнесийн сургуультай хамтран амжилттай зохион явуулж, Дархан-Уул аймгийн 7 их, дээд сургуулийн 28 оюутан залуус оролцон эгшиглэнт эх яруу найргийн Янжинлхам бурхны сонорыг мялаан уран үг, утга мэдрэмжээ уралдуулснаас:
I байранд Х.Бумцэнд (ДаТС-ийн ҮМ-2)
II байранд М.Энхбат (ДаТС-ийн ДЦС-4)
III байранд Б.Баянжаргал (ДаТС-ийн ХБОИ-1)
Тусгай байрт Ц.Батбаяр (Политехник коллежийн ЦАХ.ТЕХ-1) нар тус тус шалгарав.
Уг наадамд МЗЭ-ийн Дархан салбарын “Хязгааргүй орчлон төв”-ийн урилгаар МУИС-ийн оюутан МЗЭ-ийн гишүүн, “Боржигдой цэцэн” яруу найргийн улсын уралдааны тэргүүн байрын шагналт, яруу найрагч Б.Алтанхуяг оролцон, оюутан залууст шүлгийн мялаалга өргөлөө.
“Хорол-Эрдэнэ 2015” яруу найргийн наадмаар МЗЭ-ийн Дархан салбарын “Хязгааргүй орчлон төв”, зураач, урчуудын “Тэнгэр өөд” холбоо хамтран “Уран зураг бол хэлгүй яруу найраг, Яруу найраг бол ярьдаг уран зураг” сэдэвт яруу найрагч, зураачдын хамтарсан үзэсгэлэн гаргав.
“Хорол-Эрдэнэ 2015” яруу найргийн наадамд идэвхитэй оролцсон болон хамтран зохион байгуулсан та бүхэнд талархал илэрхийлье!
ШУТИС-ийн ДаТС
]]>