ШУТИС-ийн Дархан-Уул аймаг дахь Технологийн сургуулийн эрдмийн хамт олон ШУА-ы өдрийг 2016 оноос эхлэн тусгай хөтөлбөр, төлөвлөгөө гарган зохион байгуулж ирсэн бөгөөд 2025.12.01-нд “ШИНЖЛЭХ УХААНЫ АЖИЛТНЫ ӨДӨР”-ийн баярын арга хэмжээг уламжлал ёсоор зохион байгуулав.
Энэхүү өдрийг угтан Профессор, багш, оюутнуудад зориулсан сургалт-семинарууд, “Бид-их сургуулийн оюутан” сэдэвт судалгааны дугуйлангуудын үйл ажиллагааны өдөрлөг, ШУТИС-ийн 2IP-2025 уралдаанд шалгарсан доктор (Ph.D) У.Эрдэнэболдын бүтээл, олон улсын мэдээллийн санд бүртгэлтэй болон хамгийн олон эшлэгдсэн бүтээлүүдээр үзэсгэлэн гаргах зэрэг 10 ажлыг тус сургуулийн ЭША төлөвлөсний дагуу зохион байгууллаа.
Баярын арга хэмжээний эхэнд ЭНБД доктор, дэд профессор Д.Баясгалан ДаТС-ийн 2025 оны ЭШСА-ын онцлох үйл явдал, үр дүнгээс танилцуулан, СШУТ-ийн ахлах багш түүхийн ухааны доктор (Ph.D) Д.Үүрийнтуяа “Монгол нутаг дахь эртний нүүдэлчдийн соёлын судалгаа” гэсэн сэдвээр сонирхолтой илтгэл тавилаа.
Мөн СШУТ-ийн эрхлэгч доктор (Ph.D) Б.Сувд-Эрдэнэ, Инженерчлэлийн тэнхимийн эрхлэгч (Ph.D) дэд профессор Я.Батцэцэг нар “Шинжлэх ухааны тэргүүний ажилтан” хүндэт тэмдгээр шагнагдав.
