ДаТС-ийг танилцуулан сурталчлах, багш сурагчдын мэдлэг чадварыг өөр хоорондоо хуваалцах боломж олгох, тэдний суралцах идэвхийг нэмэгдүүлэх, оюуны чадамжийг дээшлүүлэх зорилгоор ЕБС-ийн төгсөгчдөд зориулсан давтлага өгөх зар, хуваарийг 3 сард сургуулиудад хүргүүлсний зэрэгцээ ДаТС-ийн вэб хуудсанд байршуулсан.
4 сарын 04-15 хооронд тодорхой батлагдсан төлөвлөгөөний дагуу физик, хими, математик, англи хэлний 50 цагийн давтлагыг 400 гаруй сурагчдын дунд амжилттай зохион явууллаа.
Мөн сургуулиа сурталчлах зорилгоор ДаТС-ийн анги танхим, лабораториудыг үзүүлж, мэргэжлийн танилцуулгыг тайлбарын хамт сурагчдад өгч, 4 сарын 15-ны өдөр DBS телевизээр багш, сурагчдын дунд “Нээлттэй” ярилцлагыг хийсэн.
2016 оны 4 дүгээр сарын 04-08 өдрүүдэд физик, химийн хичээлээр 24 цагийн давтлага лекцийн заал1,2-т хийсэн. Үүнд:
1. Физикийн хичээлээр ахлах багш Г.Болд – даваа гарагт 129, мягмар гарагт 147, лхагва гарагт 149, пүрэв гарагт 138, баасан гарагт 125 сурагчдад тус тус давтлага өгсөн болно.
2. Химийн хичээлээр багш С.Пүрэвсүрэн, Ц.Алимаа нар төлөвлөгөөний дагуу давтлага өгсөн. Давтлаганд даваа гарагт 62, мягмар гарагт 75, лхагва гарагт 76, пүрэв гарагт 58, баасан гарагт 64 сурагч хамрагдсан байна.
2016 оны 4 дүгээр сарын 11-15 өдрүүдэд математик, англи хэлний хичээлээр 26 цагийн давтлага лекцийн заал1,2-т хийсэн. Үүнд:
3. Математикийн хичээлээр Дэд проф У.Мөнхцэцэг (Ph.D), ахлах багш Г.Цэндмаа (Ph.D), ахлах багш П.Нямбаяр, ахлах багш М.Дэлгэрмаа, багш С.Батболд нар төлөвлөгөөний дагуу давтлага өгсөн. Даваа гарагт 150, мягмар гарагт 148, лхагва гарагт 155, пүрэв гарагт 149, баасан гарагт 145 сурагч хамрагдсан болно.
4. Англи хэлний хичээлээр ахлах багш Д.Хөгжмаа, ахлах багш Б.Ганболд (Ph.D) ахлах багш Б.Сувд-Эрдэнэ, багш Д.Батжаргал, багш Б.Батсуурь, багш Д.Отгончимэг, багш Д.Давхарбаяр нар төлөвлөгөөний дагуу давтлага өгсөн. Даваа гарагт 77, мягмар гарагт 82, лхагва гарагт 73, пүрэв гарагт 75, баасан гарагт 76 сурагч тус тус хамрагдсан болно.
Дархан-Уул аймаг дахь Технологийн сургуулийн захиргаа Суурь шинжлэх ухааны тэнхим 2016.04.18
]]>