Дархан-Уул аймаг дахь Технологийн сургуулийн Цагийн /эчнээ/ сургалтанд шинээр элссэн элсэгчдийн тангараг өргөх ёслолын үйл ажиллагаа 2017.11.17-ны өдөр ёслол төгөлдөр болж өнгөрлөө.
Тангараг өргөх ёслолын ажиллагаанд сургуулийн Эрдмийн Зөвлөлийн гишүүд болон профессор багш нар оролцож хүндэтгэл үзүүлж нийт элсэгчдэд ШУТИС-ийн энгэрийн тэмдэг гардууллаа. Тангараг өргөх ёслолын ажиллагааны хүрээнд нийт эчнээ ангид элсэгчдийн дунд гар бөмбөгийн тэмцээн зохион байгуулж тэргүүн байр эзэлсэн Цахилгаан систем ангийн баг, дэд байр эзэлсэн Дулааны цахилгаан станц ангийн баг, гуравдугаар байр эзэлсэн багш нарын холимог баг болон шилдэг тоглогчоор шалгарсан ЦС-ийн Б.Бат-Ерөөлт, шилдэг хамгаалагчаар шалгарсан ДЦС ангийн П.Эрдэнэбаяр нарын шагналыг гардууллаа. Мөн үеэр Оросын холбооны улсын Москва хотод зохион байгуулсан Пауэрлифтингийн дэлхийн аварга шалгаруулах тэмцээний -125кг-ийн жинд Монгол улсаа төлөөлөн оролцож дэлхийн аварга болсон Барилгын инженерийн хөтөлбөрийн элсэгч Хүрэлчулуун овогтой Угтахбаярыг Дархан-Уул аймгийн Технологийн сургуулийн “Захирлын нэрэмжит” шагналаар шагнаж урамшуулав.
Эчнээ ангийн элсэгчдэд зориулан өдрийн ангийн оюутнууд Дархан-Уул аймгийн Оюутны урлагийн их наадамд шагналт байранд орсон урлагийн үзүүлбэрээ үзүүлж сонирхуулсан бөгөөд Урлагийн наадамд удаа дараа амжилттай оролцсон идэвх, санаачлагатай оюутнуудад талархал илэрхийлж сургуулийн захиргаанаас “Өргөмжлөл” гардуулав.
Уг үйл ажиллагааны үеэр Дулааны цахилгаан станц, Цахилгаан систем хөтөлбөрийн элсэгчид сургуульд зөөврийн өсгөгч бэлэглэв.
Нийт оюутнууддаа сурлага, хөдөлмөрийн өндөр амжилт хүсэн ерөөе. Сургуулийн захиргаа
]]>