Америкийн Элчин сайдын яамнаас зарлагддаг тэтгэлэгт хөтөлбөрийн талаар мэдээлэл өгөх зорилготой чөлөөт уулзалтыг ШУТИС –ын Дарханы Технологийн Сургуулийн Багш хөгжлийн төвөөс зохион байгууллаа. Уг уулзалтыг Дархан-Уул аймгаас тэтгэлэгт хөтөлбөрт хамрагдсан 5 төгсөгч өөрсдийн оролцсон тэтгэлэгт хөтөлбөрийн талаар мэдээллийг олон нийтэд хүргэлээ. Уулзалтанд:
А. Гэрэлмаа- Дархан МСҮТ Англи хэлний багш, Гадаад харилцаа хариуцсан мэргэжилтэн. Тэрээр 2015 онд Фульбрайтын хөтөлбөрөөр Монгол хэлний Туслах багшаар Индианы Их Сургуульд (Fulbright Language Teaching Assistant) ажилласан өөрийн туршлагаасаа хуваалцлаа.
Д. Нямаа – Од цогцолбор сургууль, Англи Хэлний багш. Д. Нямаа TEA хөтөлбөрөөр 2015 онд Өмнөд Каролайн мужийн Winthrop Их Сургуульд олон орны багш нартай хамт мэргэжил дээшлүүлсэн тухай дэлгэрэнгүй мэдээлэл өглөө.
Д. Батжаргал – ДаТС, Англи хэлний багш. Д. Батжаргал И-багш тэтгэлэгт хөтөлбөрийн 2014 оны өвлийн сургалтанд хамрагдаж 95 хувийн сурлагын амжилт үзүүлсэн тулд тухайн жилийнхээ зун БНСУ –дахь АНУ ЭСЯ наас зохион байгуулсан “Даяарчлал ба Боловсрол” сэдэвт Зүүн Азийн Англи хэлний багш нарын сургалтанд хамрагдсан билээ. Тэрээр онлайн сургалтын ач тусын талаар оролцогчдод үр өгөөжтэй мэдээлэл өглөө.
Ө. Рагчаасүрэн – Дархан-Уул аймгийн “Орхон-106” радиогийн сэтгүүлч. Тэрээр 2010 онд АНУ-ын орон нутгийн болон дэлхийн нэр хүндтэй (FOX, VOA г. м.) хэвлэл мэдээллийн байгууллагуудтай танилцсан туршлагаасаа харамгүй хуваалцлаа.
Д. Чулуунтөмөр – ДаТС Лицейн Сургалтын менежер. Багш судлаачдад зориулсан 2010 оны Study of the U.S. Institutes for Scholars хөтөлбөрт хамрагдсан. Д. Чулуунтөмөр Чикаго дахь Иллиносын Их Сургуулийн талаар болон хөтөлбөрт хамрагдах талаар ярилаа.
Бидний ажлыг дэмжин цаг гарган ирсэн туршлагаасаа хуваалцсан зочиддоо ДаТС-ийн багш, ажилтаны нэрийн өмнөөс талархалаа илэрхийлье.
Зохион байгуулагч: Багш Хөгжлийн Төв
]]>