Дархан Уул аймаг дахь Технологийн сургууль нь 2018 оны 2-сарын 10 нд “Цасны баяр -2018” үйл ажиллагааг Хараа голын эрэг дээр гурав дахь жилдээ амжилттай зохион байгууллаа.

Тус арга хэмжээнд Дархан Уул аймаг дахь Технологийн сургуулийн багш, ажилчид үндэсний уламжлалт спортыг сэргээн дэлгэрүүлэх зорилгоор амралтын өдрийг үндэсний дээл хувцастай хараа голын тунгалаг мөсөн дээр хөгжөөнтэй өнгөрүүллээ. Цасны баяраар нийт багш ажилчдын дунд Мөсөн шагайн харваа, Чарганы уралдаан, Олс таталт зэрэг уралдаант тэмцээнүүд явагдсан. Үүнээс Мөсөн шагайн харваа тэмцээнд Адуучин, Үхэрчин, Ямаачин, Хоньчин, Тэмээчин гэсэн 5 багийн тамирчид оролцож 1-р байр Адуучин баг, 2-р байранд Ямаачин баг, 3-р байранд Хоньчин баг шалгарч шилжин явах цомын эзэд боллоо. Олс таталтын төрөлд Ямаачин баг, Чарганы уралдаанд Тэмээчин баг тус тус түрүүллээ.