ДаТС-ийн Лицей сургуулийн нийт багш нар 2018 оны 11 дүгээр сарын 16-ны өдөр ШУТИС-ийн Ахлах сургуулийн үйл ажиллагаатай танилцаж, харилцан туршлага солилцлоо. Хөтөлбөрийн дагуу ШУТАС-ийн захирал Д.Буянтогтох үйл ажиллагааг нээж үг хэлэв. ШУТАС-ийн сургалтын менежер З.Нарантуяа сургуулийн танилцуулга хийснээр  “Сургалтын идэвхтэй аргууд” сэдэвт эрдэм шинжилгээний семинар эхэлж ДаТС-ийн математикийн багш Т.Оюунцэцэг “Энэтхэг улсын дунд сургуулийн математикийн хичээлийн судалгаа”, монгол хэлний багш Х.Хишигжаргал, англи хэлний багш Б.Эрдэнэсүрэн нар “Бие даалтын ажлаар хичээлийн уялдаа холбоог сайжруулах нь”, ШУТАС-ийн нийгмийн ухааны багш Б.Эрдэнэцэцэг “Нийгмийн ухааны хичээлээр суралцагчдын ярих, илтгэх чадварыг хөгжүүлэх боломж” , уран зохиолын багш Б.Энэбиш “Уран зохиол дахь давталт ба хоршоо үгээр хүүхдийн хэл яриа, танин мэдэхүйг хөгжүүлэх нь” сэдэвт илтгэлүүдийг хэлэлцүүллээ.

ДаТС-ийн нийт багш нар ШУТАС-ийн анги, танхимтай танилцлаа. Мөн ШУТИС-ийн Мэдээлэл Холбоо Технологийн сургуулийн доктор (Ph.D) Ц.Хүрэлбаатарын “Сурагчдын техник сэтгэлгээг хөгжүүлэхэд робот сургалтыг ашиглах нь”сэдэвт илтгэлийг сонсож “ROBOKON” лабораторитой танилцаж цаашид хамтран ажиллахаар боллоо. Уулзалт семинарыг зохион байгуулсан ШУТИС-ийн Ахлах сургуулийн нийт хамт олондоо ажлын өндөр амжилт хүсэе.