“БАНК САНХҮҮГИЙН САЛБАРЫН ХӨГЖИЛ-95 ЖИЛ” эрдэм шинжилгээ,онол практикийн бага хурал боллоо.

Монгол улсад Банкны салбарыг үүсгэн байгуулсны 95 жилийн ойд зориулж Монгол банкны Дархан-Уул аймаг дахь хэлтэс, Дархан-Уул аймаг дахь Голомт банкны салбар, ШУТИС-ийн Дархан-Уул аймаг дахь Технологийн Сургуулийн Инженерчлэлийн салбарын Менежментийн багш нар хамтран Дархан-Уул аймгийн Их дээд сургуулийн оюутан, залуучуудын дунд “Банк санхүүгийн салбарын хөгжил-95 жил” эрдэм шинжилгээ, онол практикийн бага хурлыг 2019 оны 4 дүгээр сарын 19-ны өдөр амжилттай зохион байгууллаа. Хуралд ШУТИС-ийн Дархан-Уул аймаг дахь Технологийн сургууль, ШУТИС-ийн Хэрэглээний Шинжлэх Ухааны сургууль, ШУТИС-ийн Бизнесийн Ахисан Түвшний сургууль, ХААИС-ийн Агро-Экологи, Бизнесийн Сургууль, Хүмүүнлэгийн Ухааны Их сургуулийн Дархан салбар сургууль, “Мандах” Их сургуулийн Дархан салбар сургууль, “Дархан” дээд сургуулийн багш, оюутнуудын төлөөлөл оролцлоо. Хурлыг нээж Монгол банкны Дархан-Уул аймаг дахь хэлтсийн захирал Б.Жавхлан, ШУТИС-ийн Дархан-Уул аймаг дахь Технологийн сургуулийн захирал Ц.Батбаатар нар үг хэлэв. Мөн УИХ-ын гишүүн Б.Жавхлангийн бие төлөөлөгч Б.Батболд мэндчилгээ дэвшүүллээ. Хурлын нээлтэнд Монгол банкны Дархан-Уул аймаг дахь хэлтсийн захирал Б.Жавхлан, ШУТИС-ын Хэрэглээний Шинжлэх Ухааны Сургуулийн профессор Б.Сэр-Од нар уригдан ирж зочин илтгэл хэлэлцүүллээ. Онол, практикийн бага хурлын хүрээнд бакалавр оюутны 12, магистр оюутны 16, нийт 28 илтгэл хэлэлцэгдсэнээс шилдэг илтгэлүүдийг шалгаруулж Монголбанк болон Голомт банкны нэрэмжит шагналаар шагнаж урамшууллаа. Үүнд:

I байр: ШУТИС, ДаТС-ийн ЭХМ 4-р ангийн оюутан Т.Бат-Оргил /Өргөмжлөл+100000₮/ Удирдсан багш: Л.Тамир/Магистр/

II байр: “Мандах” ИС-ийн НББ-Аудит 2-р ангийн оюутан А.Ундармаа /Өргөмжлөл+80000₮/ Удирдсан багш: Б.Оюунцэцэг/Магистр/

III байр: ШУТИС, ДаТС-ийн ЭХМ 3-р ангийн оюутан Г.Номин /Өргөмжлөл+60000₮/ Удирдсан багш: Д.Эрдэнэчулуун/Магистр/

Тусгай байр: ШУТИС, ДаТС-ийн СУ 2-р ангийн оюутан С.Цэнд-Аюуш /Өргөмжлөл+20000₮/ Удирдсан багш: С.Алтанцоож/Магистр/

Тусгай байр: ШУТИС, ДаТС-ийн БУ-ын магистрант Ц.Дэмбэрэлдагва /Өргөмжлөл+20000₮/ Удирдсан багш: С.Галбадрах/док. дэд профессор/

Тус онол практикийн бага хурлыг зохион байгуулахад ивээн тэтгэж, дэмжиж ажилласан Монгол банкны Дархан-Уул аймаг дахь хэлтэс, Дархан-Уул аймаг дахь Голомт банкны салбар болон УИХ-ын гишүүн Б.Жавхлан нарт талархсанаа илэрхийлье.