ШУТИС-ийн Дархан-Уул аймаг дахь Технологийн сургуулийн Эрчим хүч, мэдээллийн технологийн салбараас зохион байгуулсан “Програм хангамж мэргэжил сурталчлах” аян 2019 оны 4 сарын 8-оос 4-р сарын 18-ны хооронд 10 хоногийн хугацаанд боллоо. Энэ жилийн аян “Програм хангамжийн инженер” бэлтгэж эхэлсний 20 жилийн ойгоор зохион байгуулагдаж байгаагаар онцлогтой.

• 20 жилийн ойг тохиолдуулан анх удаа ДаТС-ийн багш, ажилтан нарын дунд “Компьютерийн хэрэглээ”-ний олимпиадыг ахлах багш Д.Сарантуяа зохион байгуулснаас 1-р байр М.Ган-Эрдэнэ, 2- р байр Х.Идэр, 3- р байр Г.Түвшинжаргал багш нар эзэллээ.
• Аймгийн “Програмчлал”-ын олимпиадыг оюутан, сурагч гэсэн 2 ангилалтайгаар багш П.Оюунцэцэг зохион байгуулснаас 1-р байр ПХ-1 Н.Далайцэрэн, 2-р байр ОИЦ 8-1 ангийн сурагч Б.Төрхүү, 3-р байр ОИЦ 12-1 ангийн сурагч Н.Ууганбаяр нар эзэллээ.
• Онлайн шатрын “Эврика” олимпиадыг ахлах багш Б.Цогтсайхан зохион байгуулснаас 1-р байр Лицей 9а ангийн сурагч Б.Билгүүн, 2-р байр Лицей 9а ангийн сурагч Э.Энхжин нар эзэллээ.
• “Хурдан бичлэг”-ийн олимпиадыг ахлах багш Д.Сарантуяа зохион байгуулснаас 1-р байр ПХ-1 Н.Совд, 2- р байр ПХ-4 Э.Саруул, 3-р байр ПХ-3 Г.Мөнхбат нар эзэллээ.
• “Хэрэглээний програм”-ын олимпиадыг багш Ч. Түмэннасан, Сургалтын мастер Д. Дуламсүрэн нар зохион байгууллаа. Энэхүү олимпиадад Мэдээллийн технологийн хэрэглээ I хичээлийг судалж буй 1-р курсын оюутнууд идэвхтэй оролцож, олимпиад амжилттай зохион байгуулснаас 1-р байр УУАТ–1 ангийн оюутан О.Амарболд 88 оноогоор, 2-р байр ЦСА-1 ангийн оюутан Э.Хүдэрчулуун 87 оноогоор, 3-р байр Mех-1 ангийн оюутан Ч.Очирхүү 83 оноогоор, ЦСА-1 ангийн оюутан Б.Бат-Эрдэнэ 83 оноогоор  тус тус эзэллээ.

Энэ ажлын хүрээнд програм хангамжийн инженерчлэлийн төсөл ба бакалаврын дипломын төсөл бичиж буй ПХ-3, 4 курсын оюутнуудын дунд ахлах багш Д.Сарантуяа “Програм хангамжийн шаардлагын шинжилгээ ба өгөгдлийн сангийн зохиомж гаргах”сэдвээр тойм лекц уншлаа. Мөн оюутнуудын дунд “Хөгжөөнт тоглоом” явуулж ялагчдыг үнэ төлбөргүйгээр компьютер форматлуулах “Эрхийн бичиг”-ээр шагнаж урамшуулахаас гадна компьютерийн үзлэг оношлогоо хийж үйлчиллээ.

Олимпиадад амжилттай оролцсон бүх багш, ажилтан, оюутнууддаа баяр хүргэж, оюуны их үйлсэд нь өндрөөс өндөр амжилт хүсье!!!

 ЭХМТС. ПРОГРАМ ХАНГАМЖИЙН БАГШ НАР