“Дархан-Уул аймагт Аж үйлдвэрийн кластер хөгжүүлэх боломж” сэдэвт онол, практикийн бага хурлыг 2016 оны 4-р сарын 29-ний өдөр Инженерчлэлийн салбарын профессор багш нар зохион байгуулав. Хурлын үйл ажиллагааг ДаТС-ын дэд захирал Я.Батцэцэг нээж, Дархан-Уул аймгийн Дархан сумын ИТХ-ын дарга Т.Тулга мэндчилгээ дэвшүүлж үг хэлэв.
Хуралд дараах төрийн ба ТББ, бизнес эрхлэгчид, судалгааны байгууллагууд оролцсон. Үүнд:
- Дархан-Уул аймгийн Дархан сумын ИТХ
- ШУТИС-ын харъяа Эрдэнэтийн Технологийн сургууль
- Дархан-Уул аймгийн ЗДТГ-ын Жижиг дунд үйлдвэрлэлийн төв
- Дархан-Уул аймгийн Бизнес инкубатор төв
- “Дархан Төмөрлөгийн Үйлдвэр” ТӨХК
- “Шүтэн–Уул” ХХК
- “Эрдэнэт Хивс” ХХК
- “Хараа гол” байгаль орчны иргэний зөвлөл
- ШУТИС-ын Дархан-Уул аймаг дахь Технологийн сургуулийн Инженерчлэлийн салбарын багш нар, менежментийн оюутнууд, төгсөгч оюутны төлөөлөл
Хуралд “Үйлдвэрлэлийн хөгжлийн ирээдүй-кластерийн хөгжил” сэдвээр ДаТС-ын Инженерчлэлийн салбарын профессор С.Галбадрах /Док Ph.D, дэд проф/, “Үйлдвэрлэл-сургалтын байгууллагын инновацийн хамтын ажиллагааг хөгжүүлэх нь” сэдвээр “Шүтэн-Уул” ХХК-ний захирал Н.Оюунцэцэг, ДаТС-ын Инженерчлэлин салбарын багш С.Отгонсүрэн, “Дархан-Уул аймагт Төмөрлөгийн үйлдвэрийн кластер байгуулах боломж” сэдвээр “Дархан Төмөрлөгийн үйлдвэр” ТӨХК-ны Стратеги төлөвлөлтийн хэлтсийн дарга Ж.Ганбаяр зэрэг илтгэгчид 10 илтгэл хэлэлцүүлэв.
Дархан-Уул аймагт аж үйлдвэрлэлийг хөгжүүлэх үндсэн гарц нь кластераар хөгжүүлэх юм гэдэгт хуралд оролцогчид санал нэгдэн, үйлдвэрлэгч бизнес эрхлэгчид хамтран судалгаа хийх, хамтын ажиллагааны хүрээгээ тодорхойлон кластераар хөгжүүлэх бүтээгдэхүүнүүдийг тодорхойлон шийдвэр гаргах түвшинд буюу холбогдох яам, орон нутгийн удирдлагад санал хүргүүлэх зүйтэй гэдэгт нийт хуралд оролцогчид санал нэгдэв.
ЗОХИОН БАЙГУУЛАГЧ: ШУТИС-ын Дархан-Уул аймаг дахь Технологийн сургуулийн Инженерчлэлийн салбарын Менежментийн профессор багш нар
]]>